Мизрахи: Укинување на економските директори за укинување на дуализмот и лоцирање на одговорноста
Очекуваат во Собрание предлог-измени на Законот за здравствена заштита со коишто ќе се исполнат законските услови за нивно разрешување и укинување.
Укинување на економските, односно организациските директори на клиниките, со цел укинување на дуализмот и лоцирање на одговорноста, како и пренасочување на средствата за подобрување на здравствените услуги и инфраструктурата и зголемување на транспарентноста и отчетноста – велат во ВМРО-ДПМНЕ.
„Со оваа мерка ќе добиеме оптимизација на здравствениот систем, зајакнување на јавното здравство, подобрување на функционалната организација на истото, елиминирајќи ги врзаните потписи и сивата зона на одговорност во рамки на здравствените установи. Истовремено ќе се намалат непотребните трошоци, а ќе се рационализираат административните трошоци преку пренасочување на средствата во сериозно потребната здравствена екипираност, континуирана едукација на кадрите и набавка на нова медицинска опрема. Ова ќе придонесе кон целосно подобрување на здравствената внатрешна и надворешна инфраструктура и здравствени услуги за сите граѓани“, изјави пратеничката Рашела Мизрахи.
Очекуваат во Собрание предлог-измени на Законот за здравствена заштита со коишто ќе се исполнат законските услови за нивно разрешување и укинување. Деветмина в.д. директори веќе се разрешени, остануваат за разрешување уште петмина.