Демонстрации во Барселона против прекумерниот туризам

Протести против масовниот туризам во Барселона. Над 150 колективи, организации и општествени движења излегоа на улица изразувајќи револт против пренатрупаноста на градот од туристи и високите растечки цени поради посетителите.

Демонстрантите велат дека тоа ги уништува луѓето во посиромашните квартови кои мора да плаќаат поради лошиот економски модел на градот.

Бараат поправедни економии и план за намалување на тежината на туристичката економија во градското стопанство.

Изминативе месеци вакви демонстрациите се одржаа и на Канарските Острови и на Мајорка.