МВР забрзано работи на расветлување на убиството во Тетово

МВР забрзано работи на расветлување на убиството во Тетово. Едно лице е задржано во полициска станица на информативен разговор. Извршени се претреси на три локации во село Гајре, при што се обезбедени предмети кои може да помогнат во случајот.

Во операцијата е вклучена и крим-полицијата при Бирото за јавна безбедност. Се преземаат дополнителни мерки за пронаоѓање на осомничениот, кој ноќта во петокот, од возило во движење пукаше и го усмрти 39-годишникот, кој се наоѓал во својот автомобил.