Договорот за примирје во неизвесност

Израелскиот премиер Нетанјаху поставува пречки на патот на преговорите за прекин на огнот во Газа, соопшти палестинската милитантна група Хамас. Семејствата на израелските заложници апелираа до израелскиот премиер да го одложи говорот пред американскиот Конгрес, додека не се потпише договор за ослободување на заложниците.

Во меѓувреме, највисокиот израелски генерал на Западниот Брег го осуди насилството на доселениците на окупираната територија, што е ретка јавна осуда на нападите врз Палестинците од рамките на израелскиот воен естаблишмент.

„За жал, во последните неколку месеци, како и во последната недела, националистичкиот криминал ја крена главата и под покровителство на војната и желбата за одмазда посеа хаос и страв кај палестинските жители кои не претставуваа закана“, изјави генерал-мајор Јехуда Фокс, началник на централната команда на израелската војска.

На Израел ќе му требаат децении за да закрепне од нападите на Хезболах, изјави шефот на политичкото крило на либанската група.