Владина делегација учествува на Самитот на НАТО

Владина делегација предводена од премиерот Мицкоски учествува на Самитот на НАТО што се одржува во Вашингон. Премиерот Мицкоски на неговиот фејсбук-профил објави дека се сретнал со конгресменката Клаудија Тени, копретседавач на македонската група за пријателство на американскиот конгрес.

Разговаравме за интензивна соработка базирана на принципите на пријателство, меѓусебно почитување и заемната поддршка. Стратешките интереси се остваруваат преку интензивни контакти и политика на принципи. Се бориме за македонските позиции на секое поле, напиша Мицкоски на Фејсбук.

Во рамките на посетата на Вашингтон, Мицкоски, се сретнал и со конгресменот Брендан Бојл, со кој разговарале за приоритетите на НАТО алијансата и важноста да се зачува демократијата и мирот, а биле промовирани и економските можности и потенцијали кои ги нуди државава.

Премиерот Мицкоски имал и работна средба со претседателката на НДИ, Тамара Кофман Витес, со која разговарале за демократските процеси во земјава. Мицкоски остварил средба и со поранешниот американски амбасадор во земјава Филип Рикер.