Ангелов: Голем пожар над Радовиш, во близина има викенд населба

Директорот на Центарот за управување со кризи Стојанче Ангелов попладнево изјави дека денеска во земјата се активни десет пожари на отворено од кои неколку од попладнево, како што е шумскиот пожар над Радовиш, кој влезе во борова шума.

Најсериозен и најтежок пожар за гаснење, потенцира тој, е пожарот на планината Серта, кој сега се простира делумно на територијата на Штип и делумно на територијата на Неготино. Голем пожар има и во Општина Ново Село, на планината Огражден.  

За жал, попладнево овој пожар уште повеќе се разгоре. Моментално таму дејствува еден турски хелихоптер и најверојатно попладнево ќе му се придружи и еден полициски хелихоптер. Покрај ова, голем пожар имаме и во Општина Ново Село, на границата со Бугарија, на планината Огражден каде што денеска цел ден дејствуваат четири ер трактори – два на Дирекцијата и спасување и два турски ер тракори. Имаме голем успех со дејствувањето на ер тракторите. пожарот е при крај да биде локализиран. Јас сум голем оптимист и сметам дека вечерва овој пожар ќе биде локализиран за да можеме утре ер тракторите да ги упатиме кај големиот пожар кај планината Серта, рече директорот на ЦУК.

Воедно, како што кажа, утре претпладне се очекува да пристигнат и два хелихоптери од Словенија – еден голем хелихоптер со носивост од пет тона од Србија, а најавен е и еден хелихоптер од Црна Гора.

Ангелов информираше дека пожарот над Радовиш попладнево зафатил и борова шума. – Пожарот кој изби над Радовиш се претвора во многу тежок шумски пожар бидејќи огнот веќе влезе во борова шума. Локалните пожарникари од ТППЕ Радовиш се обидуваат да ја пресечат инијата на огнот. Сега ќе побараат помоѓ од ТППЕ Струмица, рече Ангелов.

Според него, овде е лоша прогнозата од искуството со пожари во борова шума бидејќи се многу тешки за гаснење. Најави пренасочување на некои од воздухопловите за гаснење на пожарот. Се работи за пожар кој е на седум километри подалеку од Радовиш, на неколку километри од боровата шума има викенд населба покрај самата река. Пожар кој може да прерасне во уште пострашен пожар, изјави Ангелов.