Зеленски: Русија ќе биде поканета на мировна конференција

Русија ќе биде поканета на вториот глобален мировен самит, кој треба да биде подготвен до ноември. На Украина и се потребни 25 системи за противвоздушна одбрана „Патриот“ за целосно да го одбрани својот воздушен простор и да ја заштити земјата од руски ракетни напади, изјави украинскиот претседател. Побара западните партнери да испратат повеќе воени авиони Ф-16 од оние што веќе ги ветиле.

„Од гледна точка на структурата на нашата противвоздушна одбрана, за целосно покривање на Украина, според нашата војска, потребни ни се 25 системи Патриот. Ова е со цел целосно да се затвори небото на Украина“, изјави Володимир Зеленски, претседател на Украина.

Зеленски е убеден дека повеќето републиканци ја поддржуваат Украина во нејзината војна со Русија и оти сегашната поддршка дадена од Соединетите држави би била невозможно да се обезбеди без ниво на двопартиски договор. Украинскиот претседател рече дека е подготвен да соработува со Доналд Трамп доколку победи на изборите во ноември.