Во четврток почнува расправата за ребаланс на буџетот

В четврток во законодавниот дом во Комисијата за финансирање и буџет почнува расправата за ребаланс на буџетот. Повеќе пари за плати и пензии, за покривање на минусот во ПИОМ, а кратење во одбраната, здравство, финансиите.

Од вкупно 5,8 милијарди евра, колку што планира да потроши државата – за плати и надоместоци се планирани 723 милиони евра.

За 15,5 милиони евра се зголемени трансферите кон општините. За 130 милиони евра се зголемува ставката за субвенции и трансфери, а најголемо зголемување за дополнителни 83 милиони евра е за линеарното зголемување на пензиите.