Зеленски: Украина подготвува уште четири безбедносни договори

Украинскиот претседател Зеленски вели дека неговиот тим подготвува четири нови безбедносни договори за Украина. Предвидено е договорите да покриваат одбранбена поддршка, финансии и хуманитарна соработка.

„Целиме да вклучиме различни земји, не само членки на НАТО. Сепак, сите тие се подеднакво подготвени да ни помогнат да ги одбраниме нашите заеднички вредности. Без разлика што се случува во светот, ни требаат сопствени алатки за поддршка на нашиот народ и држава, нашите сопствени безбедносни договори“, изјави Володимир Зеленски, претседател на Украина.

Изјавата следи по најавата дека американскиот претседател Џо Бајден нема да се кандидира за претседател за изборите во ноември. Републиканскиот кандидат Доналд Трамп вети дека ќе стави крај на руската војна против Украина за еден ден доколку биде избран – перспектива што ги зголеми стравувањата во Украина дека на Русија може да и биде дозволено да ја задржи територијата што ја анектираше.