Премиерот на Република Србија, Вучевиќ е позитивен на корона вирусот

Премиерот на Република Србија, Милош Вучевиќ е позитивен на корона вирусот, поради што се откажани сите средби и посети планирани за следните неколку дена.

-Премиерот Вучевиќ е на домашно лекување, користи медицинска терапија и се чувствува добро, соопштија од Владата на Р. Србија.

Во соопштението се додава дека „претседателот на Владата на Република Србија ќе ги извршува сите должности од дома“.

Тој денеска требаше да присуствува на продолжетокот на вонредната седница на Собранието со вкупно 60 точки на дневен ред, меѓу кои е и Декларацијата, која беше усвоена во Сесрпскиот собор на 8 јуни во Белград.