Експлозија во воената фабрика „Крушик“ во Ваљево

Осум лица се повредени откако експлодирала мина во производствен погон во српската воена фабрика „Крушик“. Од ургентниот центар во Ваљево велат дека работниците се со полесни повреди и ниту еден не е задржан во болница.

Во моментот на несреќата во просторијата имало дваесетина луѓе. Од фабриката соопштија дека инцидентот немал пошироки размери, со што биле спречени сериозни повреди и материјална штета.

Надлежното обвинителство покрена истрага за утврдување на причините за експлозијата.