Таравари назначи уште неколку в.д. директори на здравствени установи

Министерот за здравство, д-р Арбен Таравари изминатите неколку дена именуваше нови в.д. директори, соопшти Министерството за здравство.

Во Центар за јавно здравје Скопје за в.д. директор именуван е Муамет Демири, во Клиничка болница Штип – Владко Захариев, во Општа болница Кичево именувана е Маја Цветановска Трајковска, во Општа болница Струга – Владимир Бунчевски, додека во Општа болница со проширена дејност Дебар-Севдије Коџа.

Во Здравствен дом Струга за в.д. директор именуван е Арбен Лабеништа, во Психијатриска болница Демир Хисар – Жан Лозановски, во. Центар за јавно здравје Куманово – Херољинд Сакипи

За в.д. директор на Специјализирана болница за превенција, лекување и рехабилитација на хронични респираторни неспецифични и алергиски заболувања – Отешево, именуван е Благоја Китановски а во Универзитетска клиника за урологија-Башким Шабани.