Тропската бура „Деби“ ги погоди крајбрежните градови во Џорџија и Јужна Каролина

Тропската бура „Деби“ ги погоди крајбрежните градови во Џорџија и Јужна Каролина, предизвикувајќи торнада и поплави по улиците и домовите, што е само почеток на продолжената бура што се очекува да донесе неверојатни количества дожд.

Претходно во невремето од кое беше погодена и Филаделфија, загинаа четири лица. Белата куќа ги предупредува жителите дека тропската бура сè уште не е завршена.

„Се молиме за луѓето од Флорида и другите по должина на југоисточниот брег кои се погодени од тропската бура Деби, вклучувајќи ги и оние кои трагично ги загубија своите животи. Распоредени се тимови за помош и брза интервенција. Претседателот ги одобри барањата на гувернерите за прогласување вонредна состојба. Оваа бура сè уште не е готова, затоа апелираме да останете на безбедно“, изјави Карин Жан-Пјер, портпарол на Белата куќа.