Тебого стана нов олимписки шампион во престижната атлетска трка на 200 метри

Летсил Тебого стана нов олимписки шампион во престижната атлетска трка на 200 метри, оставајќи го главниот фаворит Ноа Лајлс без „планираниот“ златен медал.

Тебого, со време 19,46, постави нов рекорд на Африка, а и го донесе првото олимписко злато на неговата Боцвана.

Американскиот атлетичар, Лајлс, победи во драматичен финиш на трката на 100 метри, но немаше сили да му се спротивстави на Тебого, за по финалето да објави дека бил позитивен на ковид и дека тоа му создало многу проблеми последните неколку денови.