Вервизоли разрешена од главен ревизор на ИПА фондовите

Афрона Вервизоли е разрешена од главен ревизор за инструментот за претпристапна помош. На нејзино место е назначен Арбен Рамадани.

Тој, како што соопшти Владата, е самостоен ревизор во Секторот за унапредување на ревизијата. Учествувал во изработка на стратешки документи, краткорочни и долгорочни стратешки планови во развој на ревизорското тело и ревизијата и ја следел примената на нивното спроведување. Работел и како виш ревизор во Секторот за ревизија на ИПА областа.

Разрешувањето на Вервизоли доаѓа откако беше обелоденето дека таа ја немала потребната лиценца за тоа место.