Охрид

Меѓународен ден на органодарителството

13.08.2024 19:45

Долга е листата на чекање за трансплантација на органи во земјава , а мал е бројот на донори. Дваесет пациенти со механичка пумпа чекаат трансплнатација на срце, а 147 за бубрези. Потребно е итно формирани тимовите за трансплантација во земјава. Два месеци нема трансплантации на органи.

Потребно е итно формирање на тимовите за трансплантација во земјава. Два месеци нема трансплантации на органи, велат од НЗ „Храбро срце“, одбележувајќи го Денот на органодарителство.

Дваесет пациенти со механичка поддршка на срце чекаат трансплантација, ваков оперативен зафат сè уште не е направен во земјава.

„Ние немаме ништо друго што да преземеме, освен да бидеме гласни да не слушнат надлежните и да преземат чекори со коишто би овозможиле услови да биде трансплантиран и пациент со механичка пумпа. Во светот овие пациенти се приоритет бр. 1 за трансплантација, тие се сметаат како веќе да немаат орган и треба да им се замени со срце“, вели Васко Јолески, претседател на „Храбро срце“.

На листата на чекање за трансплантација на органи има многу млади пациенти, но мал е бројот на донори. Во земјава сè уште е ниска свеста за органодарување.

„Тоа се околу 20-тина пациенти за трансплантација на срце, 15 за црн дроб и 147 за бубрези. Од нив има многу млади пациенти, има 13, 16 годишни. имаше дури две девојчиња кои пораснаа, па сега веќе влегуваат во адолтната група за трансплантација. Голем е бројот на пациенти коишто чекаат, но исто така мал е бројот за жал секаде во светот постои недостаток на органи“, вели д-р Маја Мојсова Мијовска, поранешен Национален координатор за трансплантации.

Секој човек е потенцијален донор. Во земјава се направени вкупно 11 трансплантации на срце, и околу 34 на бубрег. Нашата земја сè уште не е дел од мрежата Еуро-трансплант поради високите критериуми кои се бараат, но и ниската број на органодарители.

 

Соња Рилковска