Активни десетина пожари во земјава

Сè уште активни десетина пожари во земјава. Огнот кој ја зафати шумата над селото Врбен во Националниот парк Маврово, доближувајќи се на 500 метри од првите куќи во селото е ставен под контрола. Избегната е опасноста по животите и имотите на жителите. Во текот на ноќта мештаните дежураа за да спречат негово проширување.

Големи пожари има и во општина Македонски Брод, во општина Новаци, во Охрид и во Ресен каде што гори од двете страни на Националниот парк Галичица. Три тешки пожари беснеат и на територијата на општина Кичево.