Пожарот над селото Врбен сè уште активен
Пожарот кој вчера претпладне се појави на територијата на Националниот парк „Маврово“ во атарот на селото Врбен и натаму е активен. Од неговото ширење засега нема опасност по имотите и куќите, но причинета е голема материјална штета.
Големи еколошки и материјални штети во Националниот парк Маврово, предизвикаа пламените јазици кои вчера избувнаа над горнореканското село Врбен. Пожарот е сè уште активен, но спречен е истиот да навлезе во селото. Се гаси од воздух и земја.
Со механизација се направени противпожарни заштитни појаси за да не се прошири пожарот кон западната страна на Шара.
Во акцијата за гасење на пожарот се вклучени и мештаните на Врбен.
Од најлошото сценарио се спасивме, пламените јазици не навлегоа во селото, но ветерот велат е голем ризик фактор, велат тие.
Првичните проценки се дека досега изгорени се околу пет хектари површина со ела и ниска вегетација.
Зоран Димовски