Приведено лице од кумановско поради фалсификување пари

На 14.08.2024 во 16.50 часот во Куманово, полициски службеници од СВР Куманово го лишиле од слобода А.Н.(43) од село Лопате, кумановско, информираат од МВР.

Тој се сомничи дека на 13.08.2024 во казино на плоштад „Нова Југославија“ во Куманово се обидел да размени фалсификувана банкнота од 100 евра.

Како што соопштуваат, по преземени мерки било утврдено дека А.Н. пред десет дена во истото казино пуштил во оптек три фалсификувани банкноти од 100 евра.

Тој бил приведен во полициска станица и по целосно документирање на случајот против него ќе следува соодветна пријава.