Тошковски: Кривичниот суд определи куќен притвор за Рамадани, но без да го определи начинот на извршување

Откако Кривичниот суд за бегството на Рамадани го обвини МВР, се огласи министерот за внатрешни работи, Панче Тошковски. Тој вели – согласно Законот за кривична постапка, Судот врши надзор над куќниот притвор, а надзорот може да го довери на полицијата, определувајќи го и начинот на неговото извршување.

„Во овој случај, Судот определил дека надзорот над куќниот притвор се доверува на МВР, СВР-Скопје, Полициската станица Чаир, но притоа, не го определил начинот на извршување, иако тоа е законска обврска“, вели Тошковски, кој појаснува дека полицијата не го обезбедува домот каде се извршува мерката 24 часа, туку повремено и ненајавено проверува дали лицето е таму.

Полицијата во неколку наврати извршила проверки, последен пат на 13-ти август, кога Рамадани бил во куќниот притвор, вели министерот Тошковски.