Променливо облачно и нестабилно со пороен дожд, грмежи и ветер

Времето денеска ќе биде променливо облачно и нестабилно, на повеќе места со пороен дожд и грмежи. Локално процесите ќе бидат во форма на невреме со интензивен пороен дожд (над 20 л/м²), силен ветер и појава на град. УВ индексот ќе изнесува 6.

Минималната температура ќе биде во интервал од 15 до 20, а максималната ќе достигне од 25 до 32 степена.

Во Скопје ќе биде променливо облачно и нестабилно со повремен пороен дожд и грмежи, а во делови од котлината ќе има услови за појава на невреме.