Потребни се нови мерки за приспособување на земјоделството на климатските промени
Топлотен бран, па дожд. Климатските промени не само на здравјето, влијаат на земјоделското производство. И земјоделците и експертите се децидни – за да имаме рентабилно производство на храна, мора со мерки да има приспособување на климатските промени.
Топлото време пак доаѓа. Не со преку 40 степени, но ќе го има и по дождот.
Неопходно е да се приспособиме на климатските промени. Посебно земјоделството, ако сакаме рентабилно производство на храна. Секоја мерка е добредојдена.
Експертите предупредуваат – да се зачува почвата за производството на храна и да нема пренамени, постојните системи за наводнување да се ревидираат и обноват. Неопходни се нови мерки.
Погрешно е да чекаме времето да се приспособи. Климатските промени не смеат повеќе да нè изненадуваат во земјоделството. Проблемот ќе биде ако не реагираме со соодветни мерки.
Елизабета Митреска