Мицкоски ќе присуствува на поставување на камен темелник на изградба на нов модерен пазар во Општина Неготино
Изградбата на нов градски пазар е на местото каде што е и локацијата на постоечкиот и подразбира нов, затворен, модерен и најсовремен градски пазар каде ќе бидат поставени нови и современи метални тезги...
Денеска претседателот на Владата на Република Северна Македонија, Христијан Мицкоски ќе присуствува на поставување на камен темелник на изградба на нов градски пазар во Општина Неготино.
Изградбата на нов градски пазар е на местото каде што е и локацијата на постоечкиот и подразбира нов, затворен, модерен и најсовремен градски пазар каде ќе бидат поставени нови и современи метални тезги, ќе биде обезбеден полесен и безбеден пристап до пазарот, со еден збор Општина Неготино ја остварува долгогодишната желба на своите граѓани кои конечно ќе добијат градски пазар по највисоки стандарди.
Вредноста на проектот е 25.913.899 денари обезбедени од буџетот на Општина Неготино, а предвидениот рок на завршување на изведбата е март 2025 година, соопштуваат од владината прес-служба.