Две минимални плати не се доволни да се истурка месецот, расте вредноста на потрошувачката кошница
Граѓаните водат живот на вересија. Месецот не се крпи ниту со две минимални плати. Вредноста на минималната кошница стигна до 62 илјади денари. Животниот стандард станува се поскап....
Три минимални плати се потребни за една потрошувачка кошничка која според последните пресметки изнесува над 61.000 денари. „Крпен живот“ не е само наслов на познат македснки роман туку суровата реалност на некои од нашите граѓани последниве неколку години со почетокот на економската криза и скокот на инфлацијата.
Традиционалните производи стануваат луксуз за нашите граѓани. Потрошувачите велат дека повеќе не купуваат одредени производи кои биле дел од нивната исхрана. Цените растат. Дури три минимални плати се потребни за покривање на потрошувачката кошничка. Ценовниот шок најмногу ги погоди пензионерите. Дел од вработените бараат и нови начини да заработат.
Загрижувачки е податокот дека синдикалната кошничка е речиси 62.000 денари, имајќи го предвид нашиот стандард. Неопходно е зголемување на платите и пензиите за да можат граѓаните да си ги покријат основните трошоци за живот. Но, тоа води кон ново задолжување – вели поранешниот министер за финансии Џевдет Хајредини.
За зголемување на платите е потребно зголемување на продуктивноста. Македонија 30 години не остварила повисок раст од 2%, а постојано позајмуваме пари - вели поранешниот министер за финансии.
Александра Велинова