Позитивната листа проширена со девет генерички лекови
Позитивната листа е проширена со девет нови генерици. Станува збор за вкупно 87 лекови за притисок, срцеви заболувања, за третман на депресија, деменција...
Девет генерички лекови, меѓу кои за висок притисок, срцеви заболувања, депресија и деменција се ставени на позитивната листа. Станува збор за повеќе од 87 лекови. Ова е само почеток на процесот на проширување на позитивната листа, рече министерот за здравство Таравари. Ова проширување ќе чини девет милиони евра.
Комисијата работи согласно барањата, поднесени од носителите на одобрение за ставање лек во промет. Тоа што кардиоваскуларните заболувања се најзастапени во нашата земја, ја наметнува потребата овие лекови да се приоритет. Во втората фаза, ќе има лекови и за онколошките пациенти.
Надлежните очекуваат, проширувањето на листата да го олесни животот на пациентите.
Александра Спировска