МЗ: Голем интерес за враќање на лекари од приватното во јавното здравство

Министерството за здравство тврди дека има огромен интерес за враќање на лекари од приватното во јавното здравство. Од Владата велат дека се бара решение, како експертите со над 10-годишно искуство, како специјалисти и субспецијалисти да се вратат во оние клиники, каде што е утврден недостиг од кадар.

Според министерот Таравари, ова е показател дека се враќа довербата во јавните здравствени установи, иако тој не кажа за колку лекари станува збор, ниту за кои области.