Струмица доби десет автобуси за воведување електричен јавен превоз
Додека Скопје се мачи, Струмица оди чекор напред. Набавени 10 автобуси за воведување електричен јавен превоз. Пробниот период на возење почнува на 11-ти септември, на Денот на ослободувањето на градот...
Струмица ќе биде прв град на Балканот со целосно електрифициран јавен градски превоз. Општината набави десет електрични автобуси во вредност од седум милиони евра, кои се очекува од 11 септември да бидат ставени на тест возење во траење од еден месец, период во кој ќе има бесплатен јавен превоз за граѓаните, за да се отстранат евентуалните недостатоци.
Воведување на целосно електричен превоз е во согласност со концептот „Смарт сити Струмица“, а со ова е исполнуваат и обврските од Европскиот зелен договор, вели градоначалникот Костадинов.
Еден електричен автобус чини околу 550 илјади евра.
Александра Спировска