Пријавување на проблемите-единствено решение за работничките права
Темата за работничките права е вечна, но мора да се дејствува поинтензивно. Посебно на правата на жените-работнички кои се помалку застапени на пазарот на трудот, освен во текстилната индустрија каде се смета е најнерасчистено. Пријавувањата на прекршените права и подигнување на свеста за достоинствена работа се единственото решение. Во земјава во тек е проект за пристојна работа на жените работнички …
Иако подолго време фокусот е на родовата рамноправност, сè уште постои ниска ангажираност на жените работнички на пазарот на трудот. Најзастапени се само во текстилната индустрија. Последниот случај од минатата недела кога трудовата инспекција затекнала 30 заклучени работнички, го потврдува фактот дека во текстилниот сектор се најголемите прекршувања на правата, смета Талија Петреска, правен застапник за состојбите во Пелагонискиот регион.
Работничките се плашат да говорат за нарушените права. Освен тоа, тешко веруваат дека ќе се промени нешто. Единствен начин е да се охрабрат, да пријават.
Во земјава во тек е проект за пристојна работа за жени работнички, социјална инклузија и зајакнување, на здружението на бизнис жени и на фондацијата за менаџмент и индустриско истражување.
Елизабета Митреска