Портпаролот на „Вреди“ ќе ги замрзне политичките активности, откако Обвинителството поведе постапка против неговиот татко

Фари Хисени, портпарол на коалицијата „Вреди“ привремено ќе ги замрзне политичките активности, откако денеска Обвинителството поведе постапка против неговиот 58-годишен татко за други полови дејствија врз малолетник. Хисени на својот профил на фејсбук објави дека е длабоко шокиран и повреден од веста.

Ако оваа информација е точна, тоа ќе биде страшен удар, не само за мене туку и за целото мое семејство. Само помислата да се соочам со ова ми ја пече душата. Како луѓе, ние сме одговорни само за нашите постапки и за вредностите што ги поддржуваме, но тоа не ја менува мојата решеност да дејствувам, напиша Хисени.