Во Виница,Чешиново и во Облешево утре ќе се прска против комарци

Во атарот на општина Виница утре наутро на површина од 1.000 хектари ќе се изврши авионско прскање против комарци. Ке биде опфатена територијата на градот Виница и на уште шест населени места во општината од полскиот дел, јавува МИА.

Авионско третирање против комарци ќе се спроведе и во општина Чешиново-Облешево.

,,Со акцијата ќе бидат опфатени вливот на реката Злетовица во реката Брегалница, течението на Брегалница до село Теранци, како и површините меѓу магитстралниот пат М-5 и село Чешиново од село Уларци до Облешево на површина од 900 хектари“, изјави градоначалникот на Чешиново-Облешево Костадин Личков.

Ова е втора акција за уништување на комарците во овие две општини. Досега се реализираа и во општините Кочани и Зрновци.