Експерти за безбедност оценуваат дека тешко ќе се стигне до примирје на Блискиот Исток
Експерти за безбедност оценуваат дека тешко ќе се стигне до примирје на Блискиот Исток. Според нив, во целата ситуација, Иран не е нем набљудувач на случувањата. Неговата главна цел е да се намали силата на Израел...
Блискиот Исток како буре барут. Тензиите растат, безбедносната состојба се вжештува. Откако Израел изврши воздушни напади во Либан, а Хезболах одговори со ракети и беспилотни летала, познавачите со оценка дека примирје нема на повидок. Влоговите на двете страни се големи, анализира Хаџи Јанев додавајќи дека во овој геополитички контекст САД и Русија имаат големо влијание.
Според професорот, Иран не е само нем набљудувач на случувањата. Нивната цел, вели Хаџи Јанев е да ја намалат силата на Израел.
Во меѓувреме во Египет продолжија разговорите за да се стави крај на војната меѓу Израел и Хамас. Хезболах соопшти дека ќе ги прекине борбите, доколку се стави крај на огнот во Газа.
Анита Димитријевска – Велковска