Бензините поевтинуваат, цената на дизелот останува иста

Бензините од ноќеска на полноќ поевтинуваат за половина денар по литар, а цената на дизел горивата останува иста, одлучи денеска Регулаторната комисија за енергетика (РКЕ).

Малопродажната цена на ЕУРОСУПЕР БС-95 ќе изнесува 77 денари за литар, ЕУРОСУПЕР БС-98 ќе се продава по 79 денари за литар. Цената ЕУРОДИЗЕЛ (Д-Е V) останува 69,5 денари за литар, а на Екстра лесното масло за домаќинство (ЕЛ-1) 69 денари.

Малопродажната цена на Мазутот М-1 НС се намалува за 1,125 ден/кг и сега ќе изнесува 45,170 ден/кг.

Со одлуката се врши намалување на малопродажните цени на нафтените деривати во просек за 0,74 отсто.