Претпладне сончево, попладне на повеќе места повремен дожд и грмежи

Времето денеска претпладне сончево со мала до умерена облачност.

Од пладневните часови на повеќе места ќе биде нестабилно со повремен пороен дожд и грмежи, локално во форма на невреме со интензивен пороен дожд, силен ветер и град.

Максималната температура ќе достигне од 25 до 33 степени. УВ индексот ќе изнесува 6. Во Скопје претпладне сончево со мала до умерена облачност.

Попладне ќе биде нестабилно со пороен дожд и грмежи, а во делови од котлината ќе има услови за појава на невреме со поинтензивен пороен дожд, силен ветер и град.

Максималната температура ќе достигне до 32 степена.