Наградниот фонд во Лигата на шампионите се зголеми на 2,5 милијарди евра

Во својот нов формат, наградниот фонд на Лигата на шампионите ќе скокне за 25% на минимум 2,5 милијарди евра по сезона, со резервирани 150 милиони евра за победникот во зависност само од резултатите. Секој од 36-те тимови добива првични 18,6 милиони евра, а потоа 2,1 милиони евра за секој освоен натпревар. Сумата за реми е 700.000 евра, пишува „Меч Телеграф“.

Секое место погоре на рангирањето носи повеќе пари – предвидено е 275.000 евра по место. Ова значи дека тимот што заврши на првото место во главната фаза ќе земе 9,9 милиони евра, а последниот тим 275.000 евра.

Оттука, бонусите се подигнуваат во чекори од 11 милиони евра за минување на секоја фаза од директните елиминации.