Ќе се зајакнува сајбер безбедноста на државните институции
По зачестените интернет напади на државните институции, Министерството за дигитална трансформација стартува проект кој треба да ја зајакне нивната сајбер безбедност...
Сведоци сме на зачестени сајбер напади врз критичната инфраструктура во земјава и регионот, истакна министерот за дигитална трансформација Стефан Андоновски. Вели, заштитата на нашата критична инфраструктура како енергетски системи, водоснабдување, транспорт и здравство е наш врвен приоритет. Андоновски најави амбициозни планови за зајакнување на сајбер безбедноста во земјава. Ја најави и новата национална стратегија за сајбер безбедност за периодот од 2024-та до 2028 година.
Новата национална стратегија за сајбер безбедност ќе биде клучен документ кој ќе ја трасира патеката за зајакнување на нашите капацитети во оваа област, истакна ресорниот министер. Целта е да создадеме безбедно дигитално опкружување за непречен развој на дигиталната економија и општеството.
Марија Котовска