Пет лица се повредени, од кои три се во критична состојба, по напад со нож на автобус во западниот германски град Зиген, соопшти полицијата.

32-годишната жената која го извршила нападот е уапсена. Засега нема информации за мотивот на нападот. Инцидентот се случи една седмица по смртоносниот напад со нож во Солинген, западна Германија, кога напаѓачот уби три, а повреди осум лица.

Осомничениот сторител, 26-годишен сириец е во притвор. Исламска држава ја презеде одговорноста за тој напад, иако германските власти сè уште ја истражуваат веродостојноста на тврдењето.