Се доставуваат картичките за „зелената нафта“
Платежната агенција изврши достава на вредносните картички за „зелената нафта“ до подрачните единици на Mинистерството за земјоделство. Финансиската поддршка е 100 проценти од трошоците за набавка на дизел, но не повеќе од 100.000 денари по земјоделско стопанство...
Земјоделците почнаа да ги добиваат картичките за зелената нафта преку подрачните единици на министерството.
Изработени се 44.000 картички со вредност од скоро 500 милиони денари. Субвенцијата е 100 проценти од трошоците за производството.
Висината зависи од видот на културата и големината на површината која е пријавена. Корисници се полјоделците, овоштарите, лозарите и градинарите.
За житариците поддршката изнесува 3.200 денари по хектар. За соја, сончоглед, маслодајна, шеќерна и добиточна репка, земјоделците ќе добиваат по 4.800, а за градинарските и лозовите култури 9.600 денари по хектар.
Во овоштарството субвенцијата изнесува од 12 до 8.800, а за ореви и костени по 6.000 денари по хектар.
Картичката важи додека парите не се потрошат, а на еден земјоделец му следуваат минимум по 500 денари.
Методија Трајков