Киев нападнат со крстаречки и балистички ракети

На стартот на учебната година огласени сирени за тревога во Украина. Русија го нападна Киев со крстаречки и балистички проектили – соборени се 20, оштетен е влезот на метростаницата која служи како засолниште. Во околината на Киев оштетени згради и образовна институција.

„Почна тревогата за воздушен напад, отидовме во засолништето во студентскиот дом, потоа се слушнаа експлозии многу блиску, рекоа дека е во близина на објектот. Кога излеговме видовме пожар“, изјави Алина – ученичка во оштетената образовна институција.

Борбите во Доњецк продолжуваат. Русија тврди дека презеле контрола врз две населени места. Украинскиот претседател вели дека е потребна поголема поддршка за фер одговор на Русија и целосна заштита на градовите од руска агресија.