Протест на Србите вработени во паралелните институции на северот на Косово

Срби вработени во паралелните институции на северот на Косово, повторно се собраа пред зградата на општината со барање да се вратат на работа откако и синоќа беа одбиени да влезат во објектите од косовската полиција кои останаа затворени од петокот. Акцијата предизвика реакции на НАТО, ЕУ и САД опишувајќи ја како „некоординирана“ со западните сојузници и ја оценија како безбедносен ризик за регионот. Србите на Косово велат дека работата им е извор на живот за нив и нивните семејства и дека сегашната ситуација им го отежнува преживувањето и останувањето во Косово

„Дојдов овде, како и моите колеги да му служам на овој народ, за она за што сме платени. Ова не е јавна услуга само за Србите, ние сме на услуга на сите граѓани кои живеат на територијата на Косово. Со затворањето на општината се ускратуваат елементарните права на децата, на сите граѓани, образованието и други работи“, изјави Весна Савиќ, вработена во општинската администрација.

„Ние бевме граѓанска служба која не прекрши ниту една регулатива. Работиме 25 години без никаков проблем. И одеднаш без никаков управен акт, без никакво известување, објаснување, барем не за нас работниците кои живееме и ги прехрануваме нашите семејства од оваа работа, не сме во состојба да работиме. Можеби ова е можност да се апелира до Меѓународната заедница до Европската унија, особено, која се заснова на постулатите на нејзиното постоење, што значи право на работа, право на живот, на слобода на движење-ни се ускратува сето тоа. Затоа им го поставуваме прашањето и апелираме до нив да ни дадат некое објаснување“, изјави Саша Петровиќ, вработен во општинската администрација.