Денеска во Кривичен почнува судењето за убиството на Вања и Панче
Првообвинет е Љупчо Палевски, се товари дека бил организатор на грабнувањата и извршител на убиствата. По бегството во Турција, беше екстрадиран во земјава...
Во Кривичниот суд почнува судењето за убиствата на 14-годишната Вања Ѓорчевска и на 74-годишниот Панче Жежовски. Првообвинет е Љупчо Палевски, се товари дека бил организатор на грабнувањата и извршител на убиствата. По бегството во Турција, беше екстрадиран во земјава.
Претходно беа обвинети Боре Видевски, Велибор Манев и Влатко Кешишов како соизвршители, а таткото на Вања, Александар Ѓорчевски за помагање во грабнувањето на малата Вања. По барање на Обвинителството, се очекува постапката да биде споена.
Вања и Жежовски беа пријавени за исчезнати на 23-ти, односно 27-ми ноември, а нивните безживотни тела беа пронајдени на почетокот на декември.