Просторија за разговор со деца во гостиварската полиција

Специјализирана просторија за водење разговор со малолетни лица е отворена во гостиварската Полициска станица. Според министерката Јанкуловска, потребата за ваква просторија се наметнува со новиот Закон за кривична постапка и Законот за правда на детето кои налагаат посебен третман и стандарди.

Проектот опфаќа отварање вакви простории во четири градови: Гостивар, Битола, Кочани и Гевгелија, а полициски службеници ќе бидат обучени за користење на опремата. Проектот се реализира во соработка со УНИЦЕФ и кралството Холандија и општините.

Минатата година над 1500 малилетни лица се нашле во судир со законот, а значителен е и бројот на жртви меѓу нив.

Зоран Јованоски