Судскиот совет ќе го разгледува извештајот на работната група за работата на судијата Пајазит Пајазити

На итна, јавна седница Судскиот совет ќе го разгледува извештајот на работната група која ја проверуваше работата на судијата Пајазит Пајазити и одлуките поврзани со случаите со Блерим Рамадани и Иџет Мемети. Одлуките на Пајазити станаа поле за меѓусебни партиски обвинувања на власта и опозицијата.

Иџет Мемети пак, се спогоди со судот за условна казна затвор, откако беше обвинет дека со врховниот судија Наќе Георгиев барале пари, а за возврат ветувале дека можат да му ја олеснат положбата на поранешниот градоначалник на Ново Село Боро Стојчев, осомничен за шверц на дрога. И судијата Георгиев се спогоди, но доби 3 години затвор и забрана за вршење на професијата.