Договор меѓу Израел и Хамас е можен со компромис и лидерство, став на Белата куќа
Администрацијата на Бајден и израелскиот премиер Нетанјаху остро се спротивставија околу какви било изгледи за затворање на договорот поддржан од САД за прекин на огнот и ослободување заложници...
Договорот меѓу Израел и Хамас е можен ако има компромис и ако има лидерство, став на Белата куќа. Администрацијата на Бајден и израелскиот премиер Нетанјаху остро се спротивставија околу какви било изгледи за затворање на договорот поддржан од САД за прекин на огнот и ослободување заложници.
„Основната рамка на договорот е договорена. Она за што зборуваме сега се деталите за спроведување и конкретно размената на затвореници, а сега таа пресметка е поинаква поради она што се случи во текот на викендот. Слушнав што кажа премиерот. Нема да влегувам во кавга со него. Но, она што можам да ве уверам е дека нашата комуникација со нашите израелски колеги продолжува“, изјави Џон Кирби, портпарол на Советот за национална безбедност на Белата куќа.
Изминатиот викенд беа откриени тела на израелски заложници што ги држи Хамас, по што демонстрации се одржуваат секојдневно во Тел Авив со барање за прекин на огнот.