Невреме во Хрватска, силен ветер корнеше дрвја

Невреме синоќа ја погоди Далмација. Линијата на молња била долга 100 километри.

Околу полноќ невреме пропратено со грмежи го зафати поширокото сплитско подрачје, а ветерот достигна брзина од 80 км/ч.

До 3 часот наутро најмногу дожд наврнал на задарскиот архипелаг – 108 литри на метар квадратен, што е повеќе од месечниот просек. Обилните врнежи предизвикаа порои, а по улиците се слевале потоци од планината Козјак. Свлечиште имало на неколку патни правци.

Невремето донесе и град во областа Шибеник, а температурите значително се намалија.

И за денеска е најавено невреме речиси во цела држава, но за викенд времето треба да се стабилизира.