Опасност од Морбили, потребна е имунизација

Во Македонија годинава се регистрирани два случаи на мали сипаници. Првиот заболен беше јуни – шестгодишно дете од струшко Лабуништа кое беше хоспитализирано на Детската клиника. Тоа не беше вакцинирано, ниту патувало со семејството надвор. Последниот случај во Долно Коњаре – Петровец е импортиран. 12-годишното дете патувало во Нови Пазар. Податоците на Институтот за јавно здравје покажуваат дека во последниве 10 години се регистрирани 2020 заболени. Епидемии беа прогласени во 2014, 2017, 2018 и последната во 2019 година, кога имаше 1901 заболен во вкупно 24 градови. На ниво на држава, опфатот со вакцинација е 73 проценти, во Скопје 83. На оваа тема во Дневник 2 Наташа Јанчиќ-Менковски разговара со Злате Мехмедовиќ, портпарол на Комисијата за заразни болести.