Повеќе од 35.000 објекти се загрозени од пожарот источно од Лос Анџелес

Повеќе од 35 илјади објекти се загрозени од шумскиот пожар источно од Лос Анџелес.

Издадени се наредби за евакуација и прогласена е вонредна состојба во Јужна Калифорнија. Пожарот досега проголта повеќе од седум илјади хектари.

Повеќе од 600 пожарникари се активирани во битка со пламените јазици заедно со хеликоптери и други авиони.