Тешка сообраќајна несреќа кај Баргала

Во  тешка сообраќајна несреќа на регионалниот пат Штип - Плачковица, кај археолошкиот локалитет Баргала,  повредени  се пет лица на возраст од 18 до 20 години.

Несреќата се случила синоќа околу 22 часот кога патничко возило „голф“ управувано од  20-годишниот Б.К. од Штип од  засега непознати причини излетал од патот.  Во возилото биле и четири девојчиња од кои три од Штип и едно од Делчево.

Возачот и една од сопатничките се здобиле со телесни повреди, додека три сопатнички се здобиле со тешки телесни повреди, од кои две се веднаш пренесени во Клиничкиот центар во Скопје.