Пониски цени на горивата од полноќ
Еуросупер БС- 95 поевтинува за половина денар и ќе се продава по цена од 74 денари за литар. 98- ката се намалува за два денара за литар, па новата цена ќе изнесува 76,5 денари. Поевтинува и дизелот за еден денар и од ноќеска на полноќ ќе чини 68,5 денари за литар.
Регулаторната комисија за енергетика ги објави новите цени на горивата кои ќе почнат да важат од ноќеска на полноќ. Еуросупер БС- 95 поевтинува за половина денар и ќе се продава по цена од 74 денари за литар. 98- ката се намалува за два денара за литар, па новата цена ќе изнесува 76,5 денари. Поевтинува и дизелот за еден денар и од ноќеска на полноќ ќе чини 68,5 денари за литар.
За еден денар се намалува и цената на екстра лесното масло за домаќинство и ќе изнесува 67,5 денари. За еден денар поевтинува и биодизелот и ќе чини 69,5 денари за литар.
Мазутот од 44,780 денари за килограм паѓа на 43,507 денари.