Влада: Четири нови странски инвестиции и нови над 1.500 вработувања

Владата за само два месеци донесе четири странски инвестиции и нови над 1.500 вработувања, информираат од владината прес- служба.

Првата инвестиција премиерот Мицкоски ја промовираше само еден ден по формирање на Владата. Станува збор за изградба на ветерници во државата со капацитет до 400MW на „Aлказар Енерџи“ во вредност од 500 милиони долари. Оваа инвестиција ќе се реализира во општините Радовиш, Штип и Карбинци, а ќе бидат инсталирани 55 ветерници и 630 нови вработувања, со што 100.000 граѓани ќе се снабдат со електрична енергија.

Германско-белгиска на „Епсотех Аим“ е втората инвестиција за изградба на развојно истражувачки центар, алерти центар во индустриско-технолошките зони на територијата на Општина Петровец. Вредноста на инвестицијата е 20 милиони евра и нови 110 вработувања.

Третата странска инвестиција е за производство на сопирачки за шински возила на американскиот „Вебтек“ во вредност од 35 милиони евра. Со оваа инвестиција ќе се отворат нови над 100 вработувања, а истата ќе се реализира во Технолошко индустриско развојната зона Скопје.

И четврта инвестиција која ја донесе Владата е производство на литиум јонски батерии во Технолошко индустриско развојната зона Скопје. Инвестицијата на германската компанија „БМЗ Груп“ е во вредност од 65 милиони евра и отвора нови 700 вработувања.

Како што нагласуваат од Владата, приоритет е силниот економски развој и целосна трансформација на државата, сѐ со цел поквалитетен и подобар животен стандард на граѓаните.