Драма на лет од Крит, експлодирала електронска цигара, патниците мислеле бомба

Вистинската драма се одвивала вчера на лет од Крит, кога дошло до експлозија во авионот. Според медиумите, електронска цигара експлодирала на летот на EasyJet од Ираклион до Лондон додека била во полначот.

Во авионот настанала паника откако одекнала експлозија и кабината почнала да се полни со чад.

Компанијата EasyJet потврди дека на летот EZY8216 од Ираклион до Лондон дошло до евакуација на патниците, откако пожар избувнал во торбата на еден од патниците за време на качувањето. Според изјавата на авиокомпанијата, ситуацијата била брзо ставена под контрола благодарение на брзата реакција на пожарникарите кои веднаш влегле во авионот.